Die Spoorwegowerheid se besluit op 14 April 1926 om ‘n spoorlyn oor Wesselsbron na Bultfontein te bou het die dorp se ontwikkeling ‘n vinnige en kragtige voorwaartse hupstoot gegee.

    Daar was ‘n groot dispuut of die spoorlyn vanaf Bothaville na Bultfontein oor Wesselsbron of oor Hoopstad sou loop. Die saak was so ernstig dat 40 boere te perd opgeruk het. Dit was die moeite werd en daar is toestemming gegee dat die spoorlyn by TYGERFONTEIN oor die VETRIVIER na Bultfontein sou gaan.

    Die Dorpsbestuur het dan ook die grond waaroor die spoorlyn sou gaan toegestaan en op 17 Desember 1927 is die servituut op erwe 5,6,55,85 en 86 opgehef. In 1928 was die spoorlyn in aanbou. Die boorgat van die dorpswater was ook genoegsaam vir die spoorweg se gebruik.

        DIE SPOORLYN IS INGEWY OP 16 APRIL 1929

‘n Stoomlokomotief + Suid Afrikaanse Spoorweg vragmotor en Mnr. Kleynhans

Wesselsbron Stasie - 2012 - twee goedere-treine doen daagliks aan by die stasie.

                                                     1929

           Die Kerkhof word omhein en sipresse word aangeplant.

    In die park word ‘n tennisbaan omhein en miershoop word gratis 

                            aangery vir die bou van die baan.

          Daar was een voorwaarde  GEEN SPORT OP SONDAE.

       ‘n Croquetbaan, voetbalveld en tennisbaan vir die skool, volg.

    Die foto links is vanuit 

     Willemsestraat na die KERKHOF toe geneem in 2011.

    Op sekere kaarte word dit 

        deesdae aangedui as 

                “Sipreslaan.”

onder: Die oudste kaart van die dorp, wat selfs nog die draadheinings aandui, asook dat P.Louis Kotzéstraat die “Hoofd weg” is en verskuif het nadat die landmeter die dorp uitgelê het. Sien: 1918 Dorpstigting - Zoetvlei.

                 Die park waar die tennisbaan gebou was is tussen

                                         Grosman- en Pretoriusstraat.

          Lede van die  Tennisklub by die tennisbaan wat in 1929 gebou is.

voor:    Mnr. Theunissen (onderwyser), Mnr. J.P. van Niekerk (skoolhoof), Badie

             Badenhorst (bestuurder Barclaysbank), Danie van Tonder (Ramohau en    

              daarna Van Tonders) en sy seun, Danie van Tonder jnr. Sien: Besighede.

middel:Mr. Levitt (hotel eienaar), Jan “Vaatjie” du Plooy, Mev. le Roux,

             Rina Snyman (posmeesteres), Knippies le Roux (skeinat+matesis onder

             -wyser), Sersant Nel (Polisiestasie bevelvoerder, later koster vd NGK),

             Mnr. Grundlingh.

agter:   Juf. van Vuuren, Lena van Tonder (suster van Min. Jan Viljoen), Suster 

             Pretorius (vroedvrou) ?, Rebe Beyers, Mev. Nel (musiek onderwyseres),  

             Atta Fourie (vrou van SWK- bestuurder, Niekie Fourie).

FOTO: 1939

Uit ‘n munisipale verslag (datum onbekend) :

    Gedurende Nov. 1920 is die dorp Wesselsbron deur Mnr. Johan van Rensburg, (handtekening regs bo) landmeter van Winburg, opgemeet wat bestaan het uit 531 erwe, en 228 van hierdie erwe is uitsonderlik groot (2961 vierkante meter) en die res oor die algemeen te klein (743 vierkante meter).

    ‘n Groot gedeelte van die dorp lê in swak potklei formasie. Die oorspronklike dorp is ook met sanitêrelane (nagstrate -links bo) uitgelê, terwyl die strate baie wyd is (18 meter).

    Die uitleg van die dorp skep vir ons die volgende probleme:

1. 1)   Waar jy normaalweg met 100 meter kraglyn, waterlyn of rioollyn 3 huise kan bedien, kan op Wesselsbron slegs 2 huise bedien word.
   

2. 2)    Bovermelde feit word vererger in die potkleigedeeltes waar enkele huise in ‘n blok gebou is, maar die dienste nogtans voorsien moet word. Vergelyk die gedeelte Noord van Magnusstraat.
   

3. 3)   Waar strate normaalweg 9 meter wyd is, is Wesselsbron s’n 18 meter wyd.  Met ander woorde; teerkoste verdubbel.
   

4. 4)   Moderne dorpe beskik nie oor sanitêrelane nie, omdat dit onnodig is en slegs ‘n eksta las vir die Raad beteken.
   

5. 5)    Wesselsbron is ten spyte van sy naam nie naby ‘n waterbron geleë nie, met die gevolg dat water skaars en duur is, terwyl die woonerwe groot is en nie behoorlik onderhou kan word nie.
   

6. 6)    In potkleigedeeltes het ons te kampe met grondbewegings wat pype bars,  en dan met hoë koste onderhou moet word.
   

Ten spyte van bovermelde probleme het Wesselsbron tog bo verwagting gegroei wat ‘n verdere probleem skep. Sommige van die probleme is die volgende:

1. 1)   Telkens word gevind dat ons voorgangers te klein gedink het en daarom word daar nou die derde waterpyp na Wesselsbron aangelê.
   

2. 2)    Kragvoorsiening is ontoereikend en die Raad sal binne die volgende jaar ‘n half-miljoen Rand daaraan moet spandeer.
   

3. 3)    Na die afskaffing van instromingsbeheer het die swart woongebied se inwonerstal binne ‘n jaar opgeskiet van 5,600 tot die huidige 8,000.
   

Die Raad is egter deeglik bewus van hierdie probleme en hanteer dit soos volg:

Die huidige dorp word “gekompakteer” deur:

1. 1)   Nuwe uitbreidings terug te hou;
   

2. 2)    Onderverdeling van erwe aan te moedig;
   

3. 3)    Ou huise te laat sloop;
   

4. 4)    Die oprigting van voorafvervaardigde huise op potkleierwe aan te moedig.      
   

<< sanitêrelaan

Park waar die tennisbaan was.